NAGPASABOT ang otoridad sa Davao del Norte Provincial Police Office (DNPPO) nga hulaton ang resulta sa medico legal labot sa giingong usa ka 10-anyos nga gibalbal sa aswang niadtong Mayo 25 didto sa Barangay Braulio E. Dujali, Davao del Norte.
Si Davao del Norte Police Director Samuel Gadingan misulti nga ilang gihulat ang resulta sa paghiling sa mga doktor kung unsa ang gikamatyan sa biktima nga si Holy Rose Buot.
Giingon ni Gadingan nga ang pasiunang imbestigasyon sa Braulio Dujali police ang ilang subayon samtang gihulat ang resulta sa eksaminasyon sa otopsiya.
"Somehow, it was only the victim's parents are concluding about the 'aswang' but for us, we are not focusing on that angle. Sa ngayon, hindi pa natin masasabi kung ano ba talaga ang nakapatay sa bata," ingon ni Gadingan.
"The autopsy report will be released one to two weeks from now. After the results will be given, I'll go back here and present it," supay sa opisyal atol sa AFP-PNP Press Corps kagahapon.
Sa laing bahin, si Gadingan namahayag human nga nahinabi sa Bombo Radyo Davao kagahapon sa udto, nga sa iyang kabahin ug sa iyang han-ay di sila motuo sa aswang.
"Sa pulis, walang aswang, hindi kaagad maniwala diyan sa so-called aswang, maybe kagagawan yun nga isang animal, wild, captured, but sa unang investigation snake bites yun," sulti ni Gadingan.
Karong adlawa, nakatakdang ilubong ang biktima sa Braulio Dujali Public Cemetery. (JC/KP)