USA ka hapon human magdaro ang mag-amahan sa uma, misugyot ang anak nga dili na lang sakyan ang kabaw inig-uli kay gikapoy pod, giuyonan kini ni tatay.

Namaktas sila, pag-abot sa unang sityo ilang nabatian ang mga tawo, miingon, "mga amaw naay dakong kabaw, wala sakyi".

Pag-abot sa unahan, nagkanayon ang amahan, sakyi lang ang ang kabaw nak. Padayon sa panaw, pag-abot sa laing sityo, gisaway na pod nga way batasan kuno ang anak, gipabaklay ang tigulang nga amahan.

Busa, pagkalayo na gisultihan sa anak ang tatay nga maoy mosakay sa kabaw. Pag-abot sa ikatulong sityo, nakabati na pod sila'g pagsaway, "way kasingkasing nga amahan gipabaklay ang anak, siya hayahay."

Paglabang nila sa lugar, mikanaug ang amahan kay naulaw. Nagsabot silang duha ang mosakay aron dili na sawayon. Padayon pagpauli.

Sa katapusang sityo, gisaway na pod nga walay mga batasan kay gitabangan og sakay ang kabaw bisan gikapoy kini.

Ang sugilanon naghulagway sa kahimtang ni Pres. Rodrigo Duterte nga bisan unsay buhatong kaayohan alang sa Pilipino wala makit-i sa kritiko.

1. War on illegal drugs - daghan misurender, nadakpan ug na-neutralized sa police operations. Nailhan ang ninja cops, protectors coddlers (pulis, politiko o taga-gobyerno), dakong pag-us-os sa kriminilidad, rape, hold-up, snatching, carnapping, tanim-bala nga gikalipay ilabi na sa taga Metro Manila.

2. Hinabing pangkalinaw tali sa CPP-NPA-NDF, maong naay ceasefire, nagmalinawon ang kabarangayan diin naay presensiya sa NPA, ang mga sundalo nga na-assigned dinhing dapita gigamit pagbungkag sa Abu Sayyaf Group, unya padayon pakigsabot sa MILF ug MNLF.

3. Endo-end of contractualization - ang ubang kompaniya nagsugod na pag-regular sa ilang empleyado.

4. Pagpataas og P1,000 sa SSS pension.

5. Daghan pa karong bag-o nakakuha si Digong og P24 bilyones dolyares gikan sa China para negusyo ug inprastraktura, nakabalik sa pagpangisda mga Pilipino sa Scarborough Shoal, nagdugang hinabang ang Japan, bisan pa'g naglagot kay DU30. Nagdugang pa og negusyo ang EU ug ang Iran nagkainteres magnegusyo dinhi.

6. Income tax - giwagtang na ang dili taxable nga income kaniadto i.e, bisan magsuweldo ka'g P8 mil ang bulan kuhaan dayon 32% income tax.

7. Sa pagduaw ni PM Abe sa Pilipinas misaad $8 bilyon kapin, ayuda ug negusyo tungod sa pagsalig niya kang DU30.

*****

Ang tagsulat si Bienvenido Lumbab Montecillo, kanhi Bise-Mayor ug Sb Member, Mun. of Sulop, kasamtangang Provincial Deputy Director, Hugpong Federal Movement of the Phil. (HFMP), Davao del Sur Anchorman/host, Ratsada Arangkada Balita (RAB) TV 16 Biernes, 10:00-11:00a.m., DXPM fm 91.9, Ate Beng Tv Cable 31 o 33 Sabado 8:00-9:00 a.m, ENERGY Fm Digos 91.1, Sabado 7:00-8:00 a.m. ug Dominggo 8:00-9:00 a.m.