GIBUTYAG ni Mexican legend Juan Manuel Marquez sa ESPN nga usa ka television network ang nitanyag kaniya og naglagiting nga $60 million aron makig-away siya’g balik kang Filipino boxing icon Manny Pacquiao sa ikalimang higayon.
Apan giklaro ni Marquez nga bisa’g $100 million pa, dili gihapon siya mahaylo sa pagpakigharong og balik sa Pambansang Kamao sa Pilipinas.
“I am no longer interested in Pacquiao. They are saying that the networks are willing to pay $60 million dollars for a fight with Pacquiao in the Philippines. I wouldn’t go to the Philippines for a fight with Pacquiao for a $100 million dollars,” matod ni Marquez.
Sa taho sa Rappler.com sa miaging semana, mismong si Pacquiao ang mibutyag nga misuway siya pagpakigsabot sa kampo ni Marquez apan wala pa kini nadawat nga positibong resulta.
Si Pacquiao mikablit sa Department of Tourism, diin siya maoy ambassador, aron mopawas og pundo nga P3 billion (approximately $60.4 million) aron mapahigayon ang away karong Nobiyembre.
“There’s a big possibility to make that fight happen if he will return in boxing. But right now we don’t have confirmation from his side of his comeback to boxing,” matod pa ni Pacquiao.