Mayweather kursonada

GIPABUHAGAY ni bo­xing legend Floyd Mayweather nga andam na siyang molugnot siya gikan sa pagretiro aron makigharong kang mixed martial arts (MMA) superstar Conor McGregor sa umaabot nga mga adlaw.

Si Mayweather miretiro niadtong 2015 apan makita nga nadani kini nga mobalik og away aron ikaharong si McGregor.

Hinuon giklaro ni Mayweather nga wala pa siya makaseguro nga mahitabo ang away a­­­pan malaumon siyang madayon kini.

“I’m not sure whether the fight is going to happen but most likely a fight with Conor McGregor will happen,” matod ni Mayweather sa interbyu sa Sky Sports.

“I believe I can get my number. We’re going to do a job on my side. The fight hasn’t been made yet but it’s all about entertainment. Hopefully, we can make it happen. I’m the Pay-Per-View king and I’m looking forward to doing big Pay-Per-View numbers again.”

Sa pangutana kon iya bang makompirmar nga madayon ang away, si Mayweather mitubag: “I believe so.”

Nagkanayon si Mayweather nga sa iyang pag­tuo, kombatihon ang away sa 147 ug 150 pounds.

Taodtaod na sab nga nipadayag si McGregor sa iyang interes nga makig-away kang Mayweather ug sa gipamatbat ni Mayweather, mialisngaw nga mahitabo ang away. (AFP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph