NANGITA og ikatulong team ang New York Knicks ug Los Angeles Clippers nga makamaniubra alang sa posibleng trade nga maglambigit kang Carmelo Anthony.
Ang Knicks nanikaysikay nga ibalhin si Anthony sa Clippers nga dili matandog ang tulo ka mga sinaligan sa Clippers nga sila si Chris Paul, Blake Griffin ug DeAndre Jordan.
Si Anthony aduna’y nahabiling duha ka mga tuig sa iyang kontrata sa Knicks nga nagbalor og $53 million.
“We’re not talking to anyone. People are talking to us… Listen, we love our team. We believe we’re good enough right now. Having said that. My job is to look at this team and see if we can get better. If we can we’ll do it,” pagtino ni Clippers coach Doc Rivers, kinsa mao sab ang head of basketball operations sa team.
Sa pangutana nga kon andam ba niyang buhian ang iyang anak nga si Austin, kinsa guard sa Clippers, aron makuha si Anthony, si Rivers miingon nga buhaton lang nila ang kutob sa ilang mahimo.
“If I would trade anyone you’d have to be willing to do that. He would be one of them or anyone of them. I don’t want to trade any of our guys. I like our team. Having said that if you think you can make your team better, you make your team better. That’s my job,” dugang ni Rivers.
Ang Knicks mitanyag sab kang Anthony sa Cleveland Cavaliers alang kang Kevin Love apan mibalibad ang defending champion.
Gikablit sab sa Knicks ang Boston Celtics apan ningpadayag ang naulahi nga wala kini interes nga mokuha kang Anthony.
Sa habig sa Clippers, ang posible nilang buhian aron makuha si Anthony mao sla si Austin Rivers, J.J. Redick ug Jamal Crawford. (AP)