MALISOD nga tahas ang sagubangon ni Kobe Paras ug iyang mga kauban karong adlawa sa ilang pagrepresentar sa Pilipinas sa 2015 Fiba U18 3x3 World Championship sa Debrecen, Hungary.

Ang panag-uban nila ni Paras, Mike Nieto sa Ateneo, Ricci Rivero sa De La Salle-Greenhills ug Richard Escoto sa Far Eas­tern ninglarga paingon sa Hungary niadtong Lunes.

Kauban sa rgupo mao sila si LSGH coach John Flores ug ang amahan ni Kobe nga si Benjie, 1989 Philippine Basketball Association (PBA) Rookie of the Year ug MVP.

Ang Pilipinas nahisakop sa Group A kauban ang host Hungary, Kazakhstan, Russia, Poland ug Uruguay.

Ang unang ikaharong sa RP team mao ang Poland.

Tanang tahas sa RP team nalantawang pulos dili sayon.