SA iyang pagbalik sa Cleveland, determinado si LeBron “King” James nga maagak ang Cavaliers sa labing una niining kampiyunato sa National Bas­ketball Association (NBA).

Ning puntoha, nagkinahanglan na lang og upat ka mga daog si James aron matuman ang iyang pa­ngandoy.

“Could I forsee this? At the beginning of the season I couldn’t,” pasabot ni James. “But I knew I had to lead these guys and if they followed my leadership, I knew I could get them to a place where they hadn’t been before.”

Ang katapusang babag sa pangandoy ni James dili bastabasta. Kini mao ang no.1 team Golden State Warriors nga pangulohan ni MVP Stephen Curry.

Unsa kaha’y tan-aw ni James kabahin sa ilang poruhan batok sa Warriors.

“We have heart. We have determination. We have everything we need to win,” batbat ni James.

Kon paugnat sa kusog ang hisgutan, ang Cleve­land mao ang labing dugay nga wala nakatilaw og mayorihiyang titulo sa tanang mga siyudad sa A­­­merika.

Katapusang nakaangkon og korona ang Cleveland ni­ad­­tong 1964 diin naghari ang Cleveland Browns sa National Football League (NFL).

“To be at this point, it’s very emotional,” asoy ni James. “We all know how long it has been."

Ang kasinatian ni James sa upat niya ka mga tuig sa Miami Heat diin nakabira siya og duha ka mga titulo sa upat ka sagunson nga pagsulod sa finals nakatabang gyud og dako karon sa Cavaliers. (AFP)