DI gusto ang Cebu Provincial Police Office (CCPO) nga dunay mga bata ug mga babaye dinhi sa Sugbo nga mabiktima sa susamang modus sa dinakpang porno-maker nga si Leizyl Margallo.
Si CPPO Director Sr. Supt. Eric Noble mopahigayon ug toktok hangyo operation sa mga dapit nga posible nga mahitaboan ini dinhi sa Sugbo.
Gitug-an ni Noble nga human sa drugas, ikaduhang labing dako nga problema sa natad sa kriminalidad sa Sugbo ang trafficking in persons, ilabi na sa kabataan.
Dugang niya nga gawas sa lungsod sa Cordova, mosiaw kining maong matang sa krimen sa mga dapit nga kanunayng hugopon sa mga turista sama sa Malapascua, Bantayan ug Moalboal.