Alcantara, Agung posibleng mag-agbat

POSIBLENG maagbat ni Francis Casey Alcantara ang iyang kanhi doubles partner sa internasyonal sa umaabot nga sangka tali sa Pilipinas ug Indonesia sa Davies Cup Asia Group II first round karong Pebrero 3 sa Philippine Columbia Association clay courts sa Paco, Manila.

Basi sa listahan napasa ngadto sa Davies Cup website, ang Kagay-anong si Alcantara mao ang modula sa first singles sa Philippine Team ug natapad kang David Agung Susanto.

Sila duha nag-uban sa pipila ka higayon sa International Tennis Futures (ITF) doubles niaging tuig.

Apan, dili pa pormal ang tanan ug posibleng mautro pa ang line-up sa adlaw sa torneyo.

Walay duda sab nga ipadula ang 24-anyos nga Alcantara sa first singles alang sa RP Tennis Team tungod siya na ang “highest ranked” player sa nasod basi sa iyang ITF ug ATP rankings.

Nakakuha og dakong ekspersyensya ang Kagay-anon sa iyang mga kampanya sa internasyonal, hinungdan sab nibuak siya sa top-1000 sa ITF. Karon, naa na siya sa top 875.

Gikompirma sab kini ni RP Davies Team coach Karl Santamaria ang iyang rankings sa paghinabi kaniya ning manunulat.

Ang beteranong kauban ni Alcantara nga si Ruben Gonzales mao ang nakatakda nga modula sa second singles alang sa nasod, samtang ang pagkumbini nila Treat Huey ug ang rookie nga si Alberto Lim mao modula sa doubles.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph