PANGULO sa Police Regional Office (PRO)-Northern Mindanao mibutyag nga mitug-an ang lima ka mga polis nga ilang nahinaykan pagpatay si Enrique “Kiking” Fernandez III.

Unang namahayag si PRO-11 Director Agripino Javier sa interbyu sa usa ka sibyaan sa radyo nga nakatug-an ang lima ka mga polis nga ilang nahinaykan si Fernandez ug gilabay sa dagat ang patay'ng lawas niini.

Apan sa bag-o nga pamahayag ni Javier, gibutyag niini nga toud man nasulti sa mga polis apan wala kini nila giluwatan sa ilang mga affidavit ug hugot nilang gihimakak nga ilang gipatay si Fernandez.

Ang mga polis mao sila si Crime against Persons and Property Desk Chief Ereneo Ramirez uban sa iyang mga kauban nga sila Police officer 3 Alejandro Ubanan, Senior Police Officer 2 Jojo Lim, Senior Police Officer 1 Alaindelon Tacubao, ug Police Officer 2 Hussein Bolanio kinsa detinado na karon sa Lumbia City Jail ug nag-atubang og kasong kidnapping.

Ang pamilya ni Fernandez naglaum hangtod ning panahona nga makita ilang anak buhi man kini o patay na labina bulan sa Oktubre niaging tuig pa kini nila uwahing nakita. (SVB)