MILANDING sa Northern Mindanao Medical Center (NMMC) sa Cagayan de Oro ang usa ka lalaki human naglaslas niadtong Dominggo, Enero 29, alas 8 sa gabii sa Taboc, Opol, Misamis Oriental.
Ang biktima naila nga si Anthony (bansagon gitago), 36, adunay kaipon ug residente sa nahisgutang dapit.
Sa impormasiyon gikan sa NMMC, gikabutyag nga hubog nga mipauli ang biktima sa ilang balay ug nagkalalis sa iyang kapuyo.
Giingong natingala na lamang ang kaipon niini nga kalit nga nahilom ang biktima ug sa dihang iya kini nga gisusi, nakurat na lamang sa dihang nakitang nagkadugo na.
Gidugang pa nga gamit ang kutsilyo, gilaslas sa biktima ang kaugalingon niini nga kamot sa wala ikabutyag nga rason apan sa posibilidad nga gumikan sa panag-away sa managkaipon.
Sa pagkakaron, ang biktima ang pabilin pa nga nagpa-alim sulod sa NMMC.