GIMANDOAN ang 22 ka mga barangay sa dakbayan sa Talisay sa konseho nga karong ting-init angay usab nga manglimpyo na sa ilang mga kanal agig pagpangandam sa ting-uwan.

Samtang pangulo sa City Disaster Risk Reduction and Management Office Christopher Estrabon gimandoan sa city administrator sa pagduso og mga dukomento aron madeklarar na silag state of calamity.

Kini sa tinguha nga dili mahisama sa nahitabo sa barangay Tisa dakbayan sa Sugbo nga sa dihang mibunok ang uwan nang-gawas ang daghang basura gikan sa kanal ug miabot na sa karsada. Si Konsehal Danny Caballero mopalabang og usa ka resulosyon karong buntag atol sa ilang senemanang session nga nag-awhag sa 22 ka mga barangay sa Talisay nga manglimpyo na sa ilang mga kanal ug kasapaan.

Lakip sa gipalabang ni Caballero mao ang pag-awhag ni Mayor Johnny delos Reyes nga mopalit og mga hose sa tubig nga maoy gikinahanglan sa mga bukirang barangay.