KANDILA maoy usa sa gisusi karun nga maoy sinugdanan sa sunog nga nahitabo sa milabayng gabii sa Gonzalez compound, Barangay Camputhaw, dakbayan sa Sugbo.

Unom ka mga balay ang nangaugdaw ug usa ang partially burned, matud pa ni SFO1 Geofrey Solon, kinsa maoy mihimog imbestigasyon ka­labot sa maong sunog.

Ang alarma nadawat alas 10:50 sa gabii ug nakontrolar alas 11:16 sa panimalay nga gipanag-iya ni Vincent Ricardo ug gi-abangan ni Evelyn Joatan.

Sigun sa imbestigas­yon, nga nalimtan og pa­wong nga kandila ang sinugdanan sa sunog.

Gikatakda nga ipatawag sa Cebu City Fire Department si Joatan aron mohatag ug katin-awan kabahin sa sunog.

Ipatawag usab ang pi­pila ka silingan nga unang nakasaksi sa sunog.

Miabot ug siyen mil ka pesos ang danyos sa sunog ug way gikatahong na-angol.