TUNGOD sa mga kondisyon ni boxing legend Floyd Mayweather nga siya maoy magbuot sa negusasyon, si mixed martial arts (MMA) superstar Conor McGregor mipabuhagay nga posibleng si Filipino boxing icon maoy iyang kontrahon.

“Maybe f*ck Floyd,” batbat ni McGregor atol sa iyang Pay-Per-View Q&A session ning bag-uhay lang nga napatik sa TMZ Sports.

“Maybe f*ck the A-side. Maybe I’ll just fight Pacquiao instead. Why not do that? Why not fight Manny and f*ck Floyd?”

Sa pagpakighinabi sa TMZ Sports ngadto sa promoter ni Pacquiao nga si Top Rank boss Bob Arum kabahin niini, positibo ang gipamahayag sa beteranong boxing promoter.

Nagkanayon si Arum nga buhatan niya ang tanan aron mahan-ay ang panag-away nila ni Pacquiao ug McGregor.

Gilauman nga seguradong mokita og dako ang panag-away nila ni Pacquiao ug McGregor sa usa ka boxing event.

Sa pagtuo ni Arum, yanuhon ra pag-knockout ni Pacquiao si McGregor.

Sa sayo pa, ang Pambansang Kamao sa Pilipinas nipadayag na sab daan nga andam siyang makigharong kang McGregor.