ANG sikat nga Kapamilya star nga si Alexa Ilacad ang espesyal nga dinapit sa ikaduhang pagbola sa “A Million Thanks” raffle promo sa Gaisano Main, Gaisano Country Mall, Gaisano Balamban ug Gaisano Bogo.

Usa ka awto nga Mazda2 SkyActiv ug minilyong kantidad sa home appliances ang ipanghatag tax-free! Ang tanang premyo pagabolahan lamang dinhi sa Sugbo.

Ang ikaduhang pagbola gitakda karong Pebrero 17, Biyernes, alas 6:30 sa gabie sa Gaisano Main Foodsquare.

Si Alexa, kinsa bag-o lang nigawas sa Maalaala Mo Kaya, diin nidala siya nga batan-ong Karla Estrada, mohatag og kalingawan atol ikaduhang raffle draw.

Kanhi sakup sa kiddie gag show nga Goin’ Bulilit, si Alexa kasamtangang makita sa teleseryeng Doble Kara. (PR)