NANGAYO og panabang si Monsour del Rosario sa Kongreso aron mahunong ang pagbaligya sa Rizal Memorial Sports Complex sa Manila ngadto sa usa ka private land developer.
Si Del Rosario, kinsa usa ka kanhi Olympic taekwondo fighter, kasamtangang kongresista sa first district sa Makati ug secretary-general sa Philippine Taekwondo Association.
Gipasabot ni Del Rosario nga ang pasilidad nga natukod niadtong 1934 aduna na special nga luna sa matag kasingkasing sa Pinoyng mga atleta.
“Lahat silang mga Olympians, ayaw nilang mawala ang Rizal Memorial Sports Complex,” pasabot ni Del Rosario sa interbyu sa Spin.ph.