KAPIN sa 500 na ka mga tawo ang nasikop sa Traffic Enfrocement Agency of Mandaue (TEAM) nga nilapas sa anti-jaywalking atol sa ilang striktong implementasyon sukad Enero 23 hangtod 27.

Sa katapusang semana sa Enero nimando si Mayor Luigi Quisumbing striktuhon ang pagpatuman sa anti-jaywalking ordinance aron kaminusan ang kahuot sa trapiko sa dakbayan tungod sa pagpataka sab sa mga drayber ug mga pasahero nga di motuman sa loading ug unloading area.

Niadtong Enero 26 lang, moabot ngadto sa 162 ka mga tawo ang nadakpan tungod sa paglapas sa anti-jaywalking ug kapin sa 354 ka mga drayber ang na-isyuhan ug citation ticket nunot sa paglapas sa no-stopping violation.

Sa samang adlaw, mokabat ngadto sa 1,578 ka mga motorista ang na-isyuhan ug citation ticket nunot sa nagkadaiyang traffic violation.