ANG Davao City tracksters nangandam na alang sa umaabot nga Davao Regional Athletic Association (Davraa) Meet 2017 sa Marso 19 hangtud 24 didto sa Mati City, Davao Oriental.
Pahayag ni Coach Valerio Bulpa sa Toril National High School sa pakighinabi sa telepono, nga nagsugod na sila sa pagbansay niadtong milabay nga tuig human ang atleta midaug sa Davao City Athletic Association (DCAA) Meet didto sa Davao City National High School.
"We are doing a cross country run, hurdle drills and trail run once a week," ni Bulpa, dugang ang ilang beach run ug oval run training ginahimo matag Dominggo.
Target ni Bulpa nga ang iyang 15 secondary girls tracksters maka-abante sa Palarong Pambansa.
"Most of the athletes are already exposed to a high-level of competition and some of them are Palaro veterans," asoy ni Bulpa.
Ang tim gilangkuban sa mga beteranong magduduwa sa Palaro nga sila si Christine Jean Pongaron sa Cabantian National High School (CNHS) Frencis Mae Dayon sa Crossing Bayabas National High School (CBNHS), Sofia Jean sa Suwan National High School (SNHS); Rezalina Cejas sa Baguio National High School (BNHS), Bernadette Mendiola sa Teofilo V. Fernadez National High School (TVFNHS), Jiev May Palabrica ug Grace Tomvin Conejar sa Lower Tamugan National High School (LTNHS), ug Riza Tuba sa Marilog National High School (MNHS).
Mikompleto sa listahan mao sila si Sharon Gay Marcojos, Andrea Annabelia De Guia and Shamae Jison sa DCDNHS; Jennyvie Gubal of Marahan National High School (MNHS); Erminda Albino sa A.L. Navarro National High School; Hiacinth Afable sa Panaga High Scool (PHS); ug Christine Grace Beria of Dr. S. Dacudao National High School (DSDNHS).
Gilauman ni Bulba nga lisud ang kompetisyon diin naa ang Tagum ug Digos nga kusog nga kontra nga gilangkuban nilang Bangunan ug Mendiola kinsa maoy 2015 Palaro silver medalists samtang sila si Marcojos ug Deguia kinsa maoy nanguna sa Mt. Megatong Trail Run Challenge sa Sto. Tomas, Davao del Norte. (ABM)
r