Fish vendor gipusil, patay

COTABATO CITY -- Usa ka fish vendor ang gipusil patay, alas 8:10 sa gabii niadtong Miyerkules, Pebrero 1, ning probinsya sa Maguindanao.

Giila ang biktima nga si Esmael Salik, alyas Nanao, 50, minyo, ug molupyo sa Purok Warda, Barangay Katuli, Sultan Kudarat, Maguindanao Province.

Matud ni Sultan Kudarat Chief of Police, Chief Inspector Esmael Talusan nga kalit lang gisulod sa suspek nga si Abad Usman ang balay sa biktima ug gipusil gamit ang kalibre .45 nga pistola.

Patay gilayon si Salik nga nakaangkon og samad pinusilan sa ulo ug likod nga bahin sa lawas.

Abtik sab nga misibat ang suspek paingon sa hilit nga dapit sa Sultan Kudarat sakay sa usa ka motorsiklo.

Milusad dayon og follow-up operation ang kapulisan sa Sultan Kudarat Municipal Police Station (MPS) uban ang 37th Infantry Battalion, Philippine Army ug nadakpan ang suspek.

Gibalhog na ang suspek sa prisohan sa Sultan Kudarat MPS samtang gipasaka na ang kasong pagpatay ngadto kang Usman. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph