USA ka buntis ang mitugpa sa tambalanan human miambak sa ika-tulong andana sa ilang gipuy-an alas 4 pasado sa kaadlawon, Huwebes, Pebrero 2.

Ang rekord sa Southern Philippines Medical Center nag-ila sa biktima mao si Charmaine (bansagon gitago lang sa SunStar Davao Superbalita), 20, minyo, nagpuyo sa Barangay Kapitan Tomas Monteverde, Agdao District, dakbayan sa Davao.

Si Charmaine, kinsa giingon nga usa ka buwan nga buntis, nakaangkon og samad sa ulo resulta sa iyang pag-ambak, diin padayon pang giatiman sa tambalanan sa pagsuwat ning balita.

Ang inahan sa biktima nga nahinabi sa mga gwardiya sa ospital, nagsulti nga naghikog na ang biktima kaniadto apan ila lamang napugngan.

Dugang sa inahan nga milakaw ang biktima niadtong Miyerkules aron mangita og trabaho, apan sa iyang pag-uli naguol siya tungod kay way nakitang trabaho.

Gidudahan nga kini ang hinungdan nga miambak ang biktima sa ilang balay.