2 ka tindahan sa Dalaguete gilungkab
MGA manglungkabay nga niigo sa duha ka mga establisemento nakadala og P100,000 kagahapon sa buntag sa Barangay Poblacion, lungsod sa Dalaguete, habagatang Sugbo.
Wa pa mailhi sa kapulisan ang duha ka mga tulisan nga nagsakay sa motorsiklo nga nisulod sa Solid Motors Distributor Inc, mga alas 2:15 kagahapon sa kaadlawon.
Si PO2 Ariel Cordova, sa Dalaguete Police nag nahinabi sa Superbalita Cebu nibutyag nga ang cashier nga si Jocelyn Obiedo, 37, minyo, maoy ni-report sa police station kagahapon sa mlas 4:00 sa kadlawon.
Ang mga kawatan gikatahong nigamit og bara sa pagligwat sa roll-up-door.
Dihang naksulod, gikuha sa vault ang P41,664 nga cash dayon sakay sa motorsiklo.
Si Cordova niingon nga wa nila isalikway ang posibilidad nga dunay inside job nga nahitabo.
Hinuon, dunay nakuhang close circuit telivision (CCTV) footage sa silingang tindahan nga nakita ang duha ka mga kawatan.
Pagka-alas 8:00 sa buntag sa Barangay Poblacion sa maong lungsod, ni-report sab sa kapulisan ang mga kawani sa Express Pay Dalaguete Branch nga gilungkab.
Si Corova nibutyag nga si Janelyn Puerto, 26, dalaga, clerk sa maong Pera Padala nga esalisemento, maoy nipahibawo sa kapulisan kabahin sa insidente.
Gibutyag niya nga giguba sa wa matinong kawatan ang lock sa bildo nga pultahan, dayon gidala ang vault nga naa didto ang sulod nga P55,000 cash nga monthly collection.
Gisubay sa kapulisan kon wa bay konekyon ang duha ka mga insedente.