SUGDAN karong Sabado ang Cagayan de Oro City (CDO) Public Schools Association Basketball Challenge 2017 didto sa West City Central School covered court, Barangay Carmen ning dakbayan.
Mao ni ang bago nga torneyo sa naga-hugpong nga public schools sa dakbayan diin bunga sa gisugdan sa Oro Speed Inter-Public School Basketball League.
Mismo ang bagong hugpong nga gipangulohan sa ilang interim chairman nga si Bismark Labadan nakig-partner sa Department of Education (DepEd) Cagayan de Oro City.
Kapin 18 ka mga teams ang nikompirma nga mosalmot tanan-tanan gikan sa elementarya, ug highschool boys and girls nga kategoriya.
Sa elementarya, kompirmado ang South City Central School, East City Central School, Kauswagan Elementary School ug ang host West City Central.
Naa ang Indahag National High School, Misamis Oriental General Comprehensive High School (Mogchs), Cagayan de Oro National High School o City High ug Carmen National High School sa high school girls.
Sa high school boys sab, naa ang City High, Canitoan National High School, Mogchs, Indahag National High School, Puerto National High School, East Gusa National High School, Carmen National High School, Kauswagan National High School, Tablon National ug Tablon National High School.
Giila sab nila ang suporta ni DepEd City Division Superintendent Elena Borcillo kinsa mao ang mangulo sa management group sa maong gimugna nga liga ingon man sab sa assistant superintendent nga si Reynaldo Manuel ug ni Rosalio Vitorillo.
Ang officiating group sab gikan sa DepEd CDO-MBROAI nga gipangulohan sa tournament director nga si Raul Fuentes. Si Danny Jaminal sab ang technical director.
“Nibunga gyud ang kausa nga matagaan og bili ang public schools aron malig-on ilang basketball program,” ingon ni Raul Fuentes, kinsa sab ang tournament director sa Oro Speed sa niagi.
Gipasalamatan sab ni Labadan ang division sports coordinator nga si Jenuel Galay ingon man sab mga kadalaing principal.
Giila sab nila ang suporta sa mga prinsipal ug mga representante sa kadalaing eskwelahan nga sila Celso Pagulon (South City Central School), Lito Felisilda (East City Central School), Maria Christina Ganas (Indahag NHS), Sylvii Carciller (Iponan National High School), Reynante Yañez (Canitoan National High School), Ian ug si Agustin Yasay (Mogchs); Minda Rebollido (City High), Romeo Ayaton (Carmen National High School), Noel Miel (Indahag), Kevin Sevilla (Kauswagan), Sol Daayata (East Gusa), Janey Pailagao ug Macapangcat Mama (Tablon National High School), Pedro Estaño (Mogchs) ug Elisa Banluta (Canitoan National High School).