THE following is a transcript of SunStar Reporter Razel V. Cuizon’s interview with suspended Ermita Barangay Captain Felicisimo “Imok” Rupinta at 12:07 p.m. last Saturday, Jan. 28, 2017.

Reporter: Kap, maayong udto, si Razel ni sa SunStar.

 

Rupinta: Unsay ato, Maam?

Reporter: Mangayo unta ko ug reaction sa kani bitaw’ng bag-ong announcement ni Mayor Osmeña, katong tulo ka pangalan nga iyang gi-endorse nga mopuli diha sa Ermita. 

Rupinta: Si Jun Pe, Dumpit ug si Jessie Cadungog, kapitan sa Tejero.

Reporter: O, kap. 

Rupinta: Ang akong hunahuna, pwede diay na ang kapitan? Unya mo-resign siya pagka kapitan? Unya mokapitan siya nga acting? Mahimo diay na siya? Maayo kaha na hunahunaon? Ang problema, ang iyang barangay naa man sa’y drugas. Iyang byaan ang drugas sa iyaha? Kini si Jun Pe police man ni, nya mo-resign siya pagka police para mo-acting siya diri og kapitan?

Reporter: Dumpit?

Rupinta: Aw, Dumpit, Dumpit diay. Sa akoa, dili sila angayan kay dili kaayo sila sweto diri. Para nako ang angayan kanang taga DILG. Okay ra na kung taga DILG. 

Reporter: So, DILG?

Rupinta: Anyway, gabii nangayo man sad og pangalan ang taga Malacañang. Nangayo og pangalan. Another name aside atong gi-endorse ni Tommy kay pilian sa presidenti. 

Reporter: Kinsa may nangayo, ikaw ang gipangayuan, kap?

Rupinta: O, kami sa among side nangayo sad sila og lista sad sa pangalan nga among i-endorse ngadto sa Malacañang para ilang pilian. 

Reporter: Malacañang or DILG? 

Rupinta: Ang Malacañang man pinaagi ni Dino. 

Reporter: Ah, si Dino. 

Rupinta: O, kanang presidential adviser sa Visayas, si Dino. Nangayo sila’g pangalan kay pilian sad kuno ni Duterte. Si Duterte mismo ang mopili ana. 

Reporter: Ah, okay. Kinsa man imong gi-endorse? 

Rupinta: Ang taga Ermita amoa katong way mansa, walay apil sa politika unya nakahuman sad, gradwado, professional. 

Reporter: Kinsa mana, kap? Pwede mangayo ug pangalan, kap?

Rupinta: Ma-preempt unya initan unya na ni Tomas, lain man na si Tomas ra ba. Basta nakahuman na siya, iyang anak gradwado duha kabuok unya tua na gani sa gawas sa nasud ang duha niya ka anak unya ang iyang asawa gani naa sa City Hall, regular nga empleyado sa City Hall. 

Reporter: Unsa man iyang trabaho, kap?

Rupinta: Naa sa DPS iyang asawa, negosyante og water station. Unya taga Ermita gyod ni, nagpuyo sa Ermita, natawo sa Ermita, unya naa gyod silay balay sa Ermita ug nasayod siya kung unsay problema sa Ermita. 

Reporter: Usa ra imong gi-endorse, kap?

Rupinta: Duha man, duha ilang gipangayo ang usa sab leader sa mga homeowners. Ilang gipangayo duha man so duha atong gi-submit nga pangalan.