UNANG nailhan isip sexy star si Meg Imperial sa teleserye matag hapon sa ABS-CBN.

Mao ni ang naglusad sa aktres sa mga sexy ug daring pa nga role, serye man o pelikula.

Nakita sab nato ang Meg sa serye sa TV5 uban ni Ruffa Gutierrez ug Cesar Montano.

Karon bisan pa man og mo-ingon ang girl nga dili na niya ibalandra ang iyang kaseksihan, dili gyud kini niya malikayan. Nakatatak naman gud sa iyang ngalan ang pagpaseksi.

Mao nga sa pelikulang "Swipe" nga showing na karon sa mga sinehan ang Meg Imperial kauban si Alex Medina mopa-init na usab kanato.

Makauban nila dinhi silang Luis Alandy, Maria Isabel Lopez, Mercedes Cabral ug Gabby Eigenman ubos sa Viva films, Allud Entertainment ug Ledge films.

Ang Meg bisan wala gyuy gipa­kitang malaswa sa nangagi niyang proyekto kay may restrictions man kini sa iyang pagpasexy. Apan basta Meg may kaseksihan gyud ang dating mao nga ining pelikula dunay mga init nga eksena silang duha ni Alex Medina.

Apan unsang pelikula man gyud kining "Swipe" nga sa titulo pa lang maka-intriga na kaayo.

Istorya nga may temang sex ug drama sa internet ang dagan niini. Kon mahilig mo sa social media, nangita mog kapartner? Nangandoy mog forever? Mao ni sentro sa estorya sa Swipe.

Ang moral lesson ani nga dili ka angay mosalig ug itugyan ang tanan sa tawo nga wa pa nimo maka-ila ug maayo, labaw sa tanan wala nimo nakita.

Ang bidang si Meg Imperial nga usa ka recovering drug addict nga asawa ni Alex ang papel dinhi miangkon usab nga nakasuway siyag sulod sa usa ka site o dating application online nga sama niini.

Sa laing bahin may lain pang duha ka pelikula ni Meg ang "Higanti" ug "Kamandag ng Droga" nga gikan sa direksyon ni Carlo Caparas. Ay'g saba!