Paghatag hapsay ra

MALAMPUSON ang dis­tribution sa financial assis­tance sa Cebu City Go­vernment ngadto sa di mo­subra 67,000 ka mga kwa­lipikadong senior citizen sa 80 ka barangay sa dakbayan.

Nadawat sa mga lolo ug lola ang P2,000 nga nagrepresentar sa buwan sa Enero ug giapil nalang sa Siyudad ang Pebrero nga nagsilbing Valentine's gift.

Ang sunod distribution karong Marso balor og P1,000.

Si Leah Ouano-Japson, pangulo sa Department of Social Welfare and Services, nagkana­yon way mga dagko nga problema ang nitumaw atol sa distribution.

Iyang gibutyag nga adunay mga lolo ug lola nga nagdala sa ilang mga ID apan photocopy sang­lit ang original sagad gi-prenda sa loan shark.

Atol sa ilang pag-veri­fy, nasuta nga sila ang beneficiary ug gihatag ang assistance apan gipa-surrender ang xerox ID ug gimanduan nga mokuha og bag-ong ID ngadto sa Office of Senior Citizens Affairs.