NAGTABLA ang Pilipinas ug Indonesia sa usa ka daug matag usa atol sa unang adlaw sa ilang match sa Davies Cup Asia Group II niadtong Biyernes sa Philippine Columbian Association open clay courts sa Paco, Manila.
Nisalubong ang RP Davies Team og pilde sa Indonesia pag-abli sa ilang match.
Gipilde ni David Agung Susanto sa Indonesia ang rookie nga si Alberto Lim sa hingpit nga panag-sangka sa first singles.
Naunhan ni Lim si Susanto sa unang set sa iskor 6-3 ug 6-2, apan nibangon si Susanto sa ika-tulo ug ika-upat sa iskor 6-2 ug 6-1, sunod-sunod.
Didto nidaug si Susanto sa ika-lima ug desisyon nga set human wala mipadayon si Lim gikan sa 1-1 nga iskor.
Apan, gisalbar sa beteranong si Ruben Gonzales ang adlaw alang sa RP Davies Team human giblangkohan niya si Aditya Hari Sasongko, 6-2, 6-2, 6-4, sa second singles aron matabla ang match ngadto sa 1-1.
Sa ning pagsulat kagahapon, misulay sila Treat Huey ug Francis Casey Alcantara nga molangkat sa labaw sa ika-tulo nga match diin usa ka doubles.
Kung modaug sila, usa kini ka birthday treat alang kang Alcantara kinsa nagsaulog sa iyang adlaw'ng natawhan Sabado.