USA ka garbo ug gibati og kalipay ang mga stakeholders kinsa nakasaksi sa inagurasyon sa Davao City-UP Sports Complex Multi-Purpose Human Kinetics Building (Training Gym) ug groundbreaking of different sports facilities didto sa University of the Philippines (UP) Mindanao campus sa Mintal, Davao City niadtong Biyernes sa hapon.

Si kanhi Davao City third district representative Isidro "Sid" Ungab, kinsa mipagawas og pundo alang sa pagtukod sa 20-hectare sports complex atol sa iyang termino, miingon nga ang aktibidad usa ka pahinumdom kaniya nga karon sila kanhi Davao City Mayor ug President Rodrigo R. Duterte ug Ramirez ang nangusog nga matuman ang city sports complex.

Si Philippine Sports Commission (PSC) Chairman William "Butch" Ramirez, kinsa mipresenta kang Presidente Duterte, midayeg sa UP ug lokal nga kagamhanan sa Dabaw alang sa pagpalambo sa isports sa Mindanao.

"I am committed to support the sports complex. I am duty-bound to produce the amount we committed before, may it be from Malaca¤ang or from the PSC Board," ni Ramirez.

Nanganti sab siya nga tabangan ang coaches ug atleta pinaagi sa Philippine Sports Institute.

"The children will benifit greatly from this sports complex."

Kabahin sab kang UP President Alfredo E. Pascual, miingon siya nga, "At the start of my term, I was committed that UP shall undertake and support development of sports and all what sports can bring about, making sports development an integral part of UP."

Si Sports Development Division of the City Mayor's Office (SDD-CMO) officer-in-charge Mikey Aportadera nga mipresenta kang Davao City Mayor Sara Duterte Carpio, miingon: "This is every athlete's dream. Athletes, I believe, are happy with this new gym and the sports complex.

Iya sab gibasa ang mensahe sa mayor nga mipaabot og pahalipay sa UP Mindanao sa pagsaulog sa 22nd foundation anibersaryo ug inagurasyon sa training gym.