SI "Pirates of the Caribbean" star Johnny Depp misumbalik og kiha sa iyang business manager ug maoy gibasol nga mitibugsok ang iyang kita ug tinigom.
Unang gireklamo sa actor ang Management Group nga iyang gikuha nga modumala ug mohan-ay sa iyang minilyon nga kita apan giingong nagpabaya kini sa pagdumala sa iyang kinitaan.
Ilabi na nga nadelatar ang pag-file sa bayrunon sa buhisan ni Depp hinungdan nga nakabayad na hinuon og $5.7 milyones nga penalty.
Apan misumbalik og kiha ang Management Group batok sa actor-singer ug giingong ang lavish lifestyle ni Depp nga moabot sa $2 milyones ang iyang mawaldas sud lang sa usa ka buwan.
"He is fully responsible for any financial turmoil.
"He has refused to live within his means, despite... repeated warnings about his financial condition," tipik countersuit claims sa Management Group.
Nasayran nga moabot sa $75M ang gigasto alang sa 14 ka balay ni Depp, $18M sa yate, $300,000 sa 40 niya ka staff, $200,000 alang sa private planes, $30,000 sa pagpamalit og imported nga bino ug uban pa.