ANG kasundalohan sa Eastern Mindanao Command (Eastmincom) naghulat na lang sa ilang mga guidelines gikan sa mga taas nga opisyal sa Armed Forces of the Philippines (AFP) aron sa mas halapad nga operasyon sa kabukiran.

Kini ang giluwatan sa 10th Infantry Division human gibawi na ni Pangulong Rodrigo Duterte ang ceasefire ngadto sa New People's Army (NPA) luyo sa naunang pagwagtang sa mga rebelde sa unilateral ceasefire.

Sumala ni 10th ID commander Major General Rafael Valencia nga gipangandaman na nila ang ilang mga sunod nga himuon sa operasyon sa kabukiran kung ila na nga madawat ang guidelines sa AFP.

Si Valencia nagbutyag nga wa una sila nagdali-dali og himo og mga operasyon sa kabukiran human sa pagbawi sa ceasefire gumikan daghan pang butang nga puwede nga makonsidera luyo sa nagpadayon nga hinabing pangkalinaw.

Bisan pa man niini, usa gihapon sa ilang nagunang prayoridad mao ang pagprotekta sa katawahn luyo sa padayong pagpanghasi sa mga NPA nga nikalas na sa kinabuhi sa mga sundalo ug laing mga sibilyan sa Bukidnon, Sultan Kudarat ug sa Davao del Norte.