ANG Davao Police Regional Office (PRO) nagbutyag nga wala sila'y mga nadawat nga mga negatibong pagsaway ug bisan pagpakita sa kahiubos sa Korean community nga nia sa rehiyon human sa kamatayon sa negusyanteng si Koreano Jee Ick-joo.
"We are reaching out to the Korean community to assured them na dito sa Davao region kung ano yung kalagayan nila," sulti ni PRO-Davao director Chief Superintendent Manuel Gaerlan.
Giingon ni Gaerlan nga sa pagkakaron wala sila'y nakit-ang epekto gikan sa Korean community labot sa ilang seguridad sa pagtiner sa rehiyon.
Gisaysay sa opisyal nga dunay usa ka istasyon sa pulis Angeles City, Pampanga nga gipa-relib ang tanang pulis gumikan nasayran ang ilang mga gipanghimo nga supak sa balaod human sila nasakpan nga ilang gipangdelensiyahan ang mga turista nga miduaw sa maong dapit.
Sumala ni Gaerlan nga imposible kining mahitabo sa Davao region gumikan dunay disiplina ug dunay dedikasyon ang mga pulis dinhi.
"Iba talaga ang mga pulis ng Davao region kasi most discipline and most dedicated sa work nila," pasigarbo ni Gaerlan kinsa kanhi nadestino sa Region 3 una siya nabutang isip director sa PRO-Davao.