MAG-LIVE-IN nga negosyante ang nakuhaag dul-an sa usa ka milyon ka pesos nga balor sa shabu atol sa buy-bust sa mga sakop sa Philippine Drug Enforcement Agency (PDEA) 7 niadtong Sabado sa alas 5:30 sa hapon sa Barangay Lugo, lungsod sa Borbon.
Si Lalaine Piodos, 53, negosyante sa maong lugar, gipusasan uban sa iyang kapuyo nga si Myrolito Mollaneda, 55, taga Opra, Capitol, dakbayan sa Sugbu.
Nakuhaan sila og upat ka dagkong bulto sa shbau nga motimbang sa 200 gramos ug mobalor og P720,000 lakip sa nakuha ang duha putos nga tag P1000 ang balor.
Si Ear`l Rallos, tigpamaba sa PDEA-7 nga nahinabi sa Superbalita, nagkanayon nga niadtong Nobiyemre sa miaging tuig, ilang nadawat ang impormasyon kabahin sa kalihokan sa mag-live-in nga negosyante.
Giingong nagpadagan sila og grocery sa maong dapit pero luyo sa tanan binultong drugas ang ilang ma-disposed lakip sa mga silinganang lungsod sa Norte.
Sumala sa PDEA, ang druga gikan gihapon sa ilang kontak sa Muntinlipa nga druglords diin sa dugay na nga panahon silang nalambigit niini hinungdan nga nalakip sila sa high value target (HVT) sa ahensiya.
Matud pa, aghang reklamo nga ilahang nadawat gikan sa mga residente sa lugar, opisyal sa Barangay og lungsud kabahin sa ilegal nga kalhukan sa duha.
Tulo ka semana nilang gipanid-an ug dihang nisanong sa ilang pagpalit og P1000 nga balor sa drugas, hinunagdan nga gilisad ang operasyon.
Dugang sa PDEA 7, ang duha nagtinabangay sa pagpamaligyag drugas ug mogawas sa kaadlawon alang sa paghatod ngadto sa ilang mga kustomer sa druga gikan sa ubang lungsud.
Apa si Piodos nga nahinabi sa Superbalita Cebu mihimakak sa pasangil ug niakusar nga planted ang mga ibedensiya batok kaniya ug sa iyang kapuyo.
“Suya-suya sa mga silingan basta akasaynanan ka maningkamot nga suyaan dayon. Unya dunay wala nako pautanga nangasuko, pasanginlan ta nga nagdrugas,” matod ni Piodos.
Matud pa niini nga naglibog siya kon nganong suyaan sa mga silingan naningkamot lang aron moasinso.
Si Mollaneda nipadayag nga ang iyaha na lang abogado maoy patubagon kabahin sa ilang pagkasikop.