DILI na makapakita og aks­yon si Minnesota Timber­wolves star Zach Lavine sa naha­biling mga duwa sa 2016-17 season sa National Basketball Association (NBA) human naa­ngol ang walang tuhod niini, pag-anunsyo sa team management kagahapon.

Naangkon ni Lavine ang angol sa 108-116 nga kapil­dihan sa Timberwolves batok sa Detriot Pistons niadtong Sabado (RP time).

Ning maong duwa, si Lavine nakapuntos og 20 sa wala pa siya naangol sa 4th quarter.

Ang Timberwolves nag-post sa ilang website nga human sa MRI exam, nasuta nga kinahanglang operahan si Lavine ug wala pa’y tino kon kanus-a kini maalim.

Si Lavine nag-average og 18.9 puntos sulod sa 47 ka mga duwa, ikatulong labing taas ning maong season.

Ang 21 anyos nga basket­bolista maoy back-to-back Slam­dunk champion apan nipa­bu­hagay na kining daan nga dili siya modepensa sa iyang korona sa umaabot nga All-Star Weekend sa New Orleans. (AFP)