MALANGAN pa og duha ka mga buwan ang panagharong nila ni International Boxing Federation (IBF) Interim world jr. flyweight champion Milan Melindo batok sa regular champion Akira Yaegashi.

Sa sayo pa, adunay negusasyon nga ipahigayon ang away karong Marso.

Apan matod sa promoter ni Melindo nga si ALA Promotions president Michael Aldeguer nga ipahigayon ang away karon nang Mayo sa Japan.

Ang Interim world title naangkon ni Melindo pinaagi sa desisyon batok kang Thai Fahlan Sakkreerin Jr. niadtong Nobiyembre.

Niini, obligado na’ng modepensa si Yaegashi sa regular title batok kang Melindo.