DISMAYADO si Misamis Oriental Gobernador Yevgeny Emano sa pag-atras sa New People’s Army (NPA) sa unilateral ceasefire.

Gikabalaka ni Emano nga sa gihimong deklarasyon sa National Democratic Front nga pagbakwi sa unilateral ceasefire sugod sa Pebrero 10.

Posibleng mahitabo na usab ang engkwentro tali sa mga NPA ug mga sundalo diha sa kabukiran.

Dugang niini nga kon mahitabo ang giyera tali sa duha ka grupo ang labing apektado niini mao ang mga sibilyan labina gayud ang mga lumad nga mga mag-uuma sa kabukiran.

Adunay lakang karon si Emano nga makighinabi sa duha ka parte kon kinsa siya tugotan sa nasyonal nga pangamhanan.

Daw desidido siya nga makigtabo sa kadagkoan sa Armed Forces of the Philippine lakip ang kadagkoan sa NPA aron ipadayon ang hisgotanan nga pangkalinaw.

Kahinumduman tulo na ka sundalo ang napatay dinhi sa rehiyon sukad gibakwi sa NPA ang hisgotanang pangkalinaw. (SVB)