GIPAGAWAS sa Indahag National High School ang ilang bangis human gilat-an nila ang Carmen National High School sa iskor 98-9 atol sa high school girls division sa First Cagayan de Oro City Public Schools Association Basketball Challenge 2017 niadtong Sabado, Pebrero 4, didto sa West City Central School covered court.
Gipakita sa Indahag lady Skyhawks nga pabilin sila nga dakong hulga sa pag-abri sa unang edisyon sa ning nga liga. Nipupo si Dhana Marie og 23 puntos alang sa lady Skyhawks, samtang nihatag si Shela Mae Godez og 21 puntos.
Gipakita sab sa three-time Palarong Pampook secondary champion nga mas lamang sila sa tahod batok sa Carmen. Gani, moaway pa ang lady Skyhawks sa mas magulang nila sa nagpadayon nga Loyola Cup Basketball ladies cup division diin wala sila'y tatsa sa ilang tulo ka dulaan.
Sa high school boys division, gitambak sa Cagayan de Oro National High School ang Carmen National High School, 89-50, sa high school boys division.
Gipildi sa Canitoan National High School ang Misamis Oriental General Comprehensive High School, 42-39.
Giparot sa Tablon National Highschool ang East Gusa National High School, 39-30.