NAKABSAN sa kinabuhi ang usa ka lider sa lumad niadtong Biyernes, Pebrero 3, didto sa dakbayan sa Quezon, Bukidnon.
Giila ang biktima nga mao si Renato Anglao, 42, residente sa susamang dapit ug aktibong miyembro sa Tribal Indigenous Oppressed Group Association (Tindoga) kinsa usa ka indigenous peoples’ organization sa Manobo-Pulangi sa Barangay Botong, susamang dakbayan.
Ilado si Anglao nga gababag sa pagpalapad sa plantasyon sa ilang giugmad nga yuta.
Sa inisyal nga imbestigasyon sa Quezon Municipal Police Station nasuta nga pauli na ang biktima sa ilang puloy-anan kuyog mismo ang asawa ug anak kay adunay gipamalit sa lungsod dihang gibabagan sa nagmotorsiklo sakay ang tulo ka mga armadong lalaki.
Gipusil ang biktima sa iyang ulo makatulo ka higayon ug giingong doulan pa unta ang asawa ug anak sa mga suspek apan daghan sa mga residente ang nakabantay hinungdan daling mibiya ang mga suspetsado paingon sa wala matinong direksyon.
Ang mga suspestado padayon pa nga giila sa kapolisan sa Quezon niining panahona.