Duterte miduaw sa haya

GIDUAW aron personal nga mopaabot sa iyang pahasubo si Presidente Rodrigo Duterte niadtong Dominggo, Pebrero 5, sa haya sa tulo ka mga sundalo nga gipatay niaging semana didto sa Sitio Kaleb, sa Barangay Kibalabag, dakbayan sa Malaybalay, Bukidnon.

Gikasubo sa presidente sa Pilipinas ang pagkapatay nila ni Sergeant Owen Yee, Corporal Niño Christopher Longcob Talabor ug Corporal Pat Olango kinsa sakop sa 8th Infantry Battalion sa 4th Infantry Division (4ID) Philippine Army.

Ang tulo gipatay sa makadaghang higayon diin mokabat sa 24 ka samad matag usa kanila dihang pauli na sa kampo gikan mokuha og allowance sa sentro nga bahin sa dakbayan ug pagbalik sa mga biktima sa Sito Kaleb gibanhigan sa mga walhong grupo kon New People’s Army (NPA).

Human sa sunod-sunod nga pagpangatake sa NPA ug pagtapos sa unilateral ceasefire mibalos ang presidente nga hunungon na lamang usab ang unilateral ceasefire nga iyang gideklarar kini tungod kay daw dili niya malantaw nga adunay mga sundalo nga mamatay ug walay mahimo.

“Suddenly, the other day, they said they’re breaking off and they’re abandoning the unilateral ceasefire. I followed. Yesterday, many soldiers were killed. Last night, I decided, I am lifting the ceasefire tonight. The ceasefire has been revoked,” matud ni Duterte sa iyang bag-ohay lang nga speech niaging adlaw.

“Peace with the communists cannot be realized during our generation many years from now. There will be deaths since you are killing my soldiers. Resume [war] anytime,” pasabot niini.

Gibutyag usab niini nga labihan kaayo ang iyang paningkamot nga makab-ot sa nasod ang kalinaw gikan sa nagkalain-laing grupo.

Ang mga sundalo nga napatay ang gihaya sa kampo sa 4ID diha sa Camp-Evangelista ning dakbayan.

Sa pagbisita ni Duterte lakip sa iyang gipakigkitaan ang kadagkoan sa kasundalohan sa 4ID lakip ang kapolisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph