Dear Heartline,

Tagoa lang ko sa pangalan nga Ninah taga Digos.

Ang akong problema bahin sa akong banahunon. Sige lang mi og away, gamay nga butang mahimong dakong away. Naglibog ko kung love pa ba ko niya. Dali lang siya makapagawas og mga istorya nga makapasakit nako. Kada uli niya sa trabaho perme siya saputon. Makahuna-huna lang siya og comfort kung ganahan lang siya.

Ninah

*****

Hi Ninah,

Usahay ang mga away baya resulta sa pagtaas sa tingog. Nga hunghong o istorya ra unta unya kay mitubag og pinasuko, ayon nag-away na.

Basin sab og kapoy sa work imong bana unya sugaton sab nimo og nawong nga nagmugtok, natural mente masuko gyud na.

Ani lang man na kung suko ang usa, kung pwede kalma ka, di pwede magsabong mong duha.

Usa pa, sa gidugayon sa panag-uban, bisan pag moingon kang you know the person already, naa pa gihapon na'y mogawas nga batasan nga makurat-kuratan ka.

Istorya lang, way singhagay.

Naa lang gyuy mga factors around nga maka-trigger sa panag-away sa couple, but if both of you are willing to make-up sa relasyon, then do what is right to save it.

Heartline