NAGPAGAWAS na sab sa iyang gibati si Presidente Rodrigo Duterte sa iyang anak nga si Sebastian "Baste" Duterte.
Sa pagbisita sa Presidente sa libong sa iyang inahan dinhi sa Davao, iyang gisulti nga nasakitan siya sa panahon nga makita ang iyang mga apo nga gipasagdan sa ilang amahan.
Gisultihan pa niini si Baste nga mouli na tungod may anak kini naghulat kaniya.
"Go home and spend your time with your kids," ni Pangulong Duterte.
Giklaro sab sa Presidente nga iya lang gusto modako ang iyang mga apo nga may amahan.
Gipananglitan pa niini ang ilang panagbulag sa iyang unang asawa nga si Elizabeth Zimmerman nga wala niya gipasagdan ang iyang mga anak, gihatagan niya og maayong edukasyon si Baste.
Di lang sab alang kang Baste kini kundi alang sa ubang lalaki nga human makaanak biyaan na ilang asawa ug magkiguban na sab og laing babaye.
Kahinumdoman, una nang gisermonan sa Chief Executive si Baste human nga wala na kini miuli kay kanunay nakig-uban sa aktres nga si Ellen Adaran.
Depensa ni Baste nga nakalimtan sa iyang amahan nga gisultihan niya kini niadtong Disyembre nga nagbulag na sila ni Adarna.
Samtang, dugang sa Presidente nga di siya babag kinsa ang karelasyon sa iyang anak, ang iya lang nga mahimo kining responsable sa mga anak niini.