USA ka drayber gipusil-patay tungod sa selos sa dakbayan sa Talisay pasado niadtong Dominggo, alas 7:00 sa gabii.

Ang biktima naila nga si Marlo Donio, 31, dunay kapuyo ug taga Sitio Mananga 1, Tabunok, Talisay.

Ang suspek giila nga si Ricky Tan Jr. alyas Insik, 25, ug molupyo sa nahisgutang dapit.

Dali nga gidala sa Talisay District Hospital ang biktima apan gidiklarar nga dead-on-arrival.

Ang biktima nakaangkon og samad pinusilan sa iyang wala nga ilok gamit ang wa matinong kalibre sa pistula hinungdan sa hinanaling kamatayon niini.

Sigon sa pamahayag ni NUP Marian Ponce sa Talisay Police Station nga ang biktima nagkalalis sa suspek tungod kay magsige ang suspek og adto sa balay sa kapuyo sa biktima hinungdan nga gipusil. Niño B. Baldevino, USJ-R B.A. Communicaton Intern