Fighter wine mihubog sa Cepba

MIPAKATAP og 24 pun­tos si kanhi PBA player Roger Yap, midugang og 20 si Randyll Roncal aron pangulohan ang Fighter Wine ngadto sa 93-82 nga kadaugan batok sa Cepba team sa nagpadayon nga Power 40 Open tournament nga gipahigayon sa Talisay City Sports Complex.

Sa kadaugan, ang Fighter Wine nga sama sa Cepba team gilangkuban usab sa mga kanhi varsity ug commercial player sa Sugbo, aduna nay 5-2 nga baraha samtang ang league-leading Cepba pabilin nga nag­hupot sa liderato nga may 5-1 nga record.

Ang torneyo nga gipasiugdahan ni Atty. Yosores gisalmotan sa pito ka mga teams diin ang top two human sa elimination round maoy nakasiguro og luna sa semifinals samtang magsangka ang no. 3 ug no. 6, no. 4 vs. no. 5 sa quarterfinals aron pagdeterminar kon kinsa ang mokompleto sa upat ka semifinals casts.

Fighter Wine (93) – Yap 24, Roncal 20, Galinato 13, Astudillo 12, dela Victoria 11, Lastimoso 98, Nalos 2, Sanchez 0, Marano 0, Zamora 0.

Cepba (82) – Aying 19, Arong 19, Duhig 6, Eduave 12, Singson 6, Patindol 5, Garcia 4, Baunsit 4, Ibahay 4, Llanos 2, Ortega 0.