PADAYON ang pagpangita sa kapolisan sa tulo ka mga minor de edad nga miiskapo sulod sa Tahanan ng Kabataan Formation Center didto sa Barangay Lumbia, dakbayan sa Cagayan de Oro.

Si Lumbia Police Station Chief Dennis Ebsolo nibutyag nga ang maong mga menor nagpangidaron og 17 paubos ug nalambigit sa kasong ginadili nga droga ug pagbitbit og armas nga nadakpan niaging mga semana.

Tungod kay dili man sila mahimong mapriso tungod kay protektado sa Juvenile Justice Act, ang mga menor de edad gidala sa Tahanan ng Kabataan apan milayat kini sa parel niadtong katapusang adlaw sa bulan sa Enero.

Hangtod karon, wala pa makita ug padayon ang pagpangita sa kapolisan.

Niniing panghitabo ang City Social Welfare Development nagplano nga magdugang og security personnel sa maong center aron wala nay bisan usa pa nga batan-on ang makaikyas.

Kahinumduman gibutyag sa mga niaging mga center head nga usa sa ilang problema mao pag-ikyas sa mga batan-on taliwala sa mga benipisyo nga ilang gitanyag kanila. (SVB)