ANG Metropolitan Ce­bu Water District (MCWD) aduna nay bag-ong gi-issue nga water bill nga mas magamit sa mga konsumidor.

“We have made our bill more useful to our consumers and to us,” matod ni Billing Department Manager Jennifer Delco.

Ang bag-ong bill adunay payment stub sama sa gigamit sa uban nga utilities.

Matod ni Delco mahimo na nga ibilin sa konsumidor ang ilang kopya sa bill ug ang payment stub lang ang ibilin sa MCWD collection centers o partners human sila mobayad.

Ang uban nga konsumidor buot nga mohupot sa kopya sa bill isip reference.

Kini dili nila mahimo sa una tungod ang karaan nga bill walay payment stub.

Lain nga feature niini, ang MCWD mahimo nang mobutang o ang metro sa konsumidor.

Kini wala sa karaan nga bill ug ang mga konsumidor moreklamo kon ilang mabatyagan nga ang serial number sa ilang meter nausab.

Aduna usab kini advisory alang sa mga konsumidor kun asa nila makuha ang kopya sa ilang bill pinaagi sa MCWD website ug bill inquiry piaagi sa text.

Ang bag-ong bill aduna usab lista sa mga payment centers sa likod nga bahin niini.

Ang konsumidor mahimo usab nga mo-update sa ilang information pinaagi sa form nga anaa sa likod sa bill sa MCWD, ang nag-unang water service utility sa Sugbo. (PR)