Lamberto G. Ceballos

Cawayan, Dalaguete, Cebu

SULOD sa kuwarto ni Loisa nagpadayon pagtuyok-tuyok sa hilom ang electric fan. Naghigda si Mariz sa kama nga nagkamison lang, nagtan-aw kang Loisa nga naghukas sa iyang padyama. Nahulma ang bugdo sa dughan niini sa gisul-ob nga sando. Midulog si Loisa kang Mariz. Mitunog ang orasan nga diha sa headboard sa kama. Alas diyes na sa gabii. Ganina ra silang nahiabot gikan nga nanan-aw sa salidang Para sa Hopeless Romantic nga gibituonan nilang Nadine Lustre ug James Reid didto sa Cinema 2 sa SM City-Cebu. Didto sa sinehan may gibutyag si Mariz bahin sa ilang relasyon.

“Final na imong disisyon, Darling, nga putlon na nato ang atong relasyon? Duha na baya   ka tuig nga uyab ta!” matod ni Loisa nga migakos kang Mariz.

“Oo, Darling,” ni Mariz nga mitan-aw sa kabayuong nawong ni Loisa. “Mora man gog way ayo ang sangpotan niini sa atong mga kinabuhi. Sa gidugayon sa atong relasyon nakasinati kog kahaw-ang sa akong kinabuhi nga wa nimo kahulipi. Hinaot nga masabtan mo ako.”

Miyango-yango si Loisa samtang luhagan ang usa ka kamot nga mihapuhap sa lawas ni Mariz kinsa wa motukol sa gibuhat sa lesbian niyang uyab.

“But you know I love you so much! And you said you love me, too!” ni Loisa nga mihalok sa aping ni Mariz. “Nganong makigbuwag ka man? Di ba malipayon ka man uban nako?”

“Malipayon, pero kuwang. Dunay kuwang, Darling, aron mahingpit akong kalipay!” ni Mariz nga mipugong sa kamot ni Loisa diha sa iyang tiyan. “Lahi ang akong bation kon kauban ko si Manolo. I love him so much!”

“Nakasabot ko bahin anang imong gisulti,” ni Loisa nga mipadagan sa iyang kamot ngadto sa pus-on ni Mariz. Unya gidumol niya ang iyang mga ngabil sa mga ngabil ni Mariz. “Pero wa nimo hunahunaa kon unsa ang epekto ngari nako kon magbuwag ta. Mahimong maghikog ko, o di ba may patyon kong tawo.”

“Kalma lang, Darling,” ni Mariz nga milunga sa halok ni Loisa. “Kining pagputol ko sa atong relasyon dili mao ang katapusan sa kalibotan. I know you can find someone to replace me, or perhaps, tingalig may lalake nga mabihag sa imong kaanyag ug imong madiskubrehan nga usa diay ikaw ka tinuod nga babaye.”

“That’s impossible,” ni Loisa kansang kamot milahos na sa ubos sa pus-on ni Mariz. “Sa na-dalagita na ko, wa gyod ko kamatikod nga naibog kog lalake. Ang akong naibgan, kadtong anak nga dalaga sa among silingang maestro, si Liza Marie.”

“Di ba may kauban ka sa inyong opisina nga guwapo nga nanguyab nimo? Nganong wa man to mopadayan pagpaninguha nimo?”

“Ah, si Bryan. Hahaha! Bayot to, uy! Mitug-an siya nako nga nanguyab siya nako aron ikapakita sa kalibotan nga siya macho ug kon mosugot kuno ko, ang tanan makatuo nga lalaki gyud siya. Gi-basted ko siya ug giingnan nga ‘di tayo katalo, lesbian ako,’ tomboy, bisag wa ko mosul-ob og linaki nga mga sapot. Ug gipabilin kong tag-as akong buhok sama sa imoha.”

“Si Bryan, bayot? Na-crush man gani ko sa iyang kaguwapo dihang gipaila nimo siya nako didto sa Golden Sigay Resto dihang gikasugat nato siya.”

“That’s the truth,” ni Loisa nga mitimbakuwas ug miluhod sa tiilan ni Mariz. “May I do it for the last time?”

“Okey!” Ug nabatyagan ni Mariz nga giumod ni Loisa ang nawong niini sa ubos sa iyang tiyan. Pipila pa gutlo, miundang si Loisa sa iyang gibuhat kang Mariz. Nag-ilis si Mariz ug nanamilit. “Bye, Darling. No hard feelings. We’re still friends, okey?”

Mihalang ang mga mata ni Loisa; gipugngan niya ang iyang mga luha. “Bye, Darling. I wish you luck. I hope Manolo will be true to you.”

Migawas si Mariz sa lawak ni Loisa ug nanaog. (Katapusan)