Editoryal: Imahen sa PDEA 7

MAKABILIB kita sa Philippine Drug Enforcement Agency (PDEA) 7 human sa ilang gipakita nga labok sa kampanya batok sa gidiling drugas, lakip sa pagpasuspenso sa mga opisyal sa Barangay Ermita, dak­bayan sa Sugbo nga walay kooperasyon sa ilang ope­rasyon sa barangay.

Dakong pasidaan kini sa labing ubos nga ang-ang sa kagamhanan nga dili mokooperar sa awtoridad. Sa pikas bahin, mitumaw ang pagduda nga ang PDEA 7 dunay espisyal nga pagtagad sa dili kaalyado sa administras­yon sa dakbayan? Dili lang Ermita ang nabaniog nga dunay operasyon sa druga.

Mas makapasubo nga dunay nailang barangay nga red district sa downtown sa dakbayan nga nagpabilin sa palibot sa barangay ang kalihokan sa gidi­ling druga. Hinaut nga natutokan kini sa PDEA apan kon walay mahitabo sa mga mosunod nga adlaw, laing pagduda kini labi na ang lider sa barangay nga kaalyado sa administrasyon.

Leksiyon kini sa mga lider sa barangay, labi na sa sensitibo sa kutay sa pulitika sama sa presidente sa Association of Barangay Captains (ABC) ug mga opis­yal niini, magbantay nga dili mahiagom sa samang kapalaran sa Ermita. Ang labing maayo nga matinud-anon sa pagserbisyo sa publiko hinungdan nga nagpapili sa posisyon. Makig-ayon sa PDEA diin gibalik ang pagtutok sa ope­rasyon batok sa druga.

Samtang, dakong kahigayonan kini sa pagba­ngon sa imahen sa ahensiya busa dili magpagamit sa interes sa mga politiko o partido, diin maisip nga susama lang usab nga nakigsabo ang ehensiya sa mga tigpayuhot sa gidiling druga.

Ang tentasyon nagpadayon apan, ang sihag nga operasyon sa PDEA 7 dako og ma­tam­po sa kinabuk-ang pagbangon sa dungog sa ahensiya ug kalamposan sa kampanya batok sa gidiling druga.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph