MIKULIT og tam-is nga kadaogan ang Yoyi’s Pastries & Dessert ni Ahlmark Albarracin human ilang gipukan ang Onaks Pawnshop, 109-101 samtang pabiling nag-una ang Trangia Sportswear kinsa midaog batok sa Car Door & Aircon, 133-123, kaniadtong Martes sa nagpadayon nga F. Llamas Youth Association (FYA) Christmas League basketball tournament didto sa sitio Manggahan open court sa Punta Princesa, dakbayan sa Sugbo.

Ang maong kadaogan sa Yoyi’s Pastries nakamugna og four-way tie sa ika-upat nga pwesto uban sa Micaela, BDS Law Firm ug Angel Mary Pawnshop nga parehong may 2-3 nga baraha.

Miburak og 33 puntos si Mav Navaja aron pangulohan ang Yoyi’s Pastries ug midugang si Dandan Enriquez og 22 puntos. Sa laing bahin, si Jaz Sydiongco maoy nangu sa 4-1 nga Trangia Sportswear sa iyang 21 puntos ug may 18 puntos si Junjie Martinez samtang may 37 puntos si Lito Mirasol aron pangulohan ang Car Door & Aircon kinsa naghupot na karon og 2-4 nga baraha.

Puntos matag usa

Unang duwa

Yoyi’s Pastries & Dessert (109) - Navaja 33, Enriquez 22, Solon 17, Sy 11, Diaz 10, Cueme 6, Laput 4, Regudo 4

Onaks Pawnshop (101) - De Gracia 32, Reyes 30, Abella 13, Tabana 8, Endrina 6, Tabares 6, Parba 4.

Ikaduhang duwa

Trangia Sports Wear (133) - Sydiongco 21, Martinez 18, Auditor 17, Cadungog 17, Encarquez 16, Reubal 12, Trangia 10, Caballero 9, Macachor 5, Sarsaba 5

Car Door (123) - Mirasol 37, Rara 25, Billones 24, Manalili 20, Malicay 9, Patalita 2. (PR)