COMMISSION on Election (Comelec) sa dakbayan sa Talisay mohimog off site registration ngadto na mismo sa mga tunghaan sa high school.

Kini tungod kay ila kining gitumong alang ngadto sa mga kabataan nga naa na sa pangidaron 15 anyus pataas nga makabotar na sa Sangguniang Kabataan (SK).

Si Talisay Comelec Officer Atty. Gallardo Escobar, niingon nga aduna na silay nahan-ay nga mga schedule diin sila nang mga emple­yado mismo ang mobisita sa mga tunghaan aron mapadali nalang sa mga tinun-an ang pagparehistro.

Matod ni Escobar nga wala sila’y nakitang problema tungod kay aduna na kini pagtugot sa mga kadagkuan sa tunghaan nga gani aduna may mga principal na mismo ang mihangyo kanila.

Ang sa rehistrasyon ug kini motapos karong Abril 29.

Nasayran sa niaging tuig nilang pagparehistro, niabot sa 7 mil ang nagparehistro. Samtang karong tuiga sila naglaum nga makapangrehistro silag mga batan-on nga dili moubos 5 mil ka mga bag-ong botante.