DEAR Heartline,
I’m Din, from Digos. Sige na gyud kog padala nimo’g letter pero wala gyud kay response. =) Ask lang unta ko mahal ba ang magpa-annul? Pobre ra man god ko, pero gusto ko magpa-annul sa akong asawa.
Months pa mi nagbulag, wala may third party pero gimahayan man god nako nga nakasal ko niya. Imbes nag-ipon nami wala naman siya pakialam nako. Ga-dry among relasyon sud sa pila ka tuig. Dili ba hasol ang magpa-annul?
Din
*****
Hi Din,
Sorry gyud kaayo, kay my gosh gyud sa kadaghang text message nga madawat nako daily about love, maugtas gyud ko. =)
To be honest, medyo mahal gyud siya ug hasol. Di man kay igo ra kang mo-file og annulment ninyo then humana. Naa panay series of hearings diin dunggon ang both sides sa rason sa usa nganong makigbuwag, etc. Mobayad paka’s abogado ug ubang abubot, so andam gyud og salapi.
Normal gyud nga moabot ang time sa couple nga mabugnaw sa usag-usa hilabi na og busy ug komportable na kaayo to each other.
Aron gyud molampus ang relasyon, importante nga both parties will help one another aron always blooming ug lig-on kini.
Timan-an nato nga di sa tanang higayon happy ang relasyon, may times gyud nga mag-away gyud na, pero kung sa tan-aw ninyo worth fighting ang inyong kaminyuon ug mahal gyud ninyo ang usag-usa, then do something about it.