DEAR Heartline,

Hello, I'm Meche, 16 years old, from Tagum City. Nagpuyo ko karon sa akong lola na kung manulti nega kaayo.

Maka-hurt sa feelings, unya og di nako kaagwanta motubag ko. Until such time nga miingon siya nga dili ko niya patiwason og eskwela kay motubag-tubag daw ko.

Mangayo lang kog advice how can I control myself para dili nako siya matubag.

Meche

*****

Hi Meche,

Bisan pa og unsaon og pugong, di gayud kalikayan nga makatubag kita sa mga elders kanato ilabi na og gisapot na gani ta og taman, unya di na sab mao ang mga akusasyon. Well, bisan ako miagi sa ingon ana.

Pero, ayaw laina ng mga pangasaba ni lola nimo. Posible nga ana siya ka nega kay naa siyay mga di maayong experiences before. Basin og may mga kabanay mo nga iyang gipatungha sab, apan in the long run, wa kahuman kay giuna ang kiat. Usahay sab gyud kaning mga elders nato OA (over-acting) ang reaction, usahay pataka na sab ug wala na sa sakto makayawyaw.

But, be positive. Kesa you fight back niya, paminaw lang, pailob. Ikaw labaw nga nasayud sa kung unsa ang maayo ug unsa ang nahitabo.

Tumana ang mga butang nga gipangayo sa imong lola ug paningkamot sab sa imong pagtungha.

Make her proud sa imong mga achievements. Eskwela og tarong. Okay lang ng magbarkada basta know your limitations.

Huna-hunaa lang nga she is doing such alang sa imong kaayuhan.

Heartline