ADUNAY libre nga Junior NBA Basketball Camp karong Sabado, Pebrero 11, sa Xavier University Gymnasium sa dakbayan sa Davao.

Mismo si Jr. NBA coach nga si Craig Brown gikan sa Estados Unidos ang mohawid ug mogiya sa training camp.

Duyog kaniya mao ang PBA star nga si Willie Miller ug kanhi bitoon sa Alaska Aces nga si Jeffrey Cariaso.

Libre kini sa batang lalaki ug babae nga natawo sa tuig 2003-2007 ug pakita lang ang birth certificate gikan sa National Statistics Office.

“Oportunidad na kini sa tanan nga maka-eksperyensya sa Junior NBA,” ingon ni Arvin Martinez, kinsa coordinator sa maong kalihokan.

Aron sa dugang kasayuran, pagatawga lang si Martinez sa numero 09156999047.